Consultant toolkit

عدّة الاستشاري 🧰

الأدوات اللي بتستخدمها في مشروع حقيقي من أول اجتماع لحد التسليم. انسخ، عدّل، استخدم.

الديمو الناجح قصة مش شاشات. 20 دقيقة، ببيانات العميل (3 منتجات، عميلين، مورد)، وكل خطوة بتجاوب على وجع قاله في الاكتشاف.

0–2 د

«إنت قلتلي إن المحاسب بيعرف المبيعات آخر الشهر. خليني أوريك إزاي هتعرفها دلوقتي.» — ما تفتحش Odoo قبل الجملة دي.

2–5 د

عميل جديد من الموقع، فرصة، عرض سعر بمنتجات العميل وأسعاره، إرسال وتوقيع أونلاين. اتكلم عن النتيجة: «مفيش عرض بيضيع».

5–8 د

أكد الـ SO، وورّي أمر التسليم اللي اتولّد لوحده. افتح المخزون: الكمية اتحجزت. «أمين المخزن عارف يجهّز إيه من غير مكالمة».

8–11 د

اعمل الفاتورة من الـ SO وورّي القيد (مدين عملاء / دائن إيراد وضريبة). قولها بلغته: «المحاسبة اتعملت لوحدها من اللي البياع عمله».

11–14 د

سجّل دفعة، وورّي مطابقة كشف البنك. «الإقفال اللي بياخد 4 أيام هيبقى ساعة».

14–17 د

Pivot على المبيعات بالفرع والمنتج، احفظه Favorite وابعته بالإيميل تلقائي. «ده التقرير اللي قلت عليه، على موبايلك كل صباح».

17–20 د

لخّص 3 أوجاع و3 حلول شفناها، وحدد الاجتماع الجاي (قسم تاني أو BRD). ما تتكلمش عن السعر قبل ما يطلب.

قواعد الديمو